बीड मधील दौऱ्यादरम्यान राज ठाकरे यांच्या गाडीसमोर सुपारी फेकत ठाकरे गटाकडून आंदोलन करण्यात आलं. तसेच जोरदार घोषणाबाजी करत राज ठाकरे यांचा ताफा अडवण्याचाही प्रयत्न करण्यात आला. यावर आता ठाकरे गटाचे खासदार संजय राऊत यांनी स्पष्टीकरण दिलं आहे. राज ठाकरेंविरोधातील आंदोलनाशी संबंध नसल्याचं संजय राऊत यांनी स्पष्ट केलं आहे. तर ते आंदोलन मराठा आरक्षणाशी संबंधीत असल्याचं संजय राऊत यांनी म्हटलं आहे. दरम्यान आम्हाला नको, फडणवीस आणि भाजपला धमक्या द्या असं संजय राऊत यांनी मनसेला ठणकावून सांगितलं आहे.