उद्धव ठाकरे आणि राज ठाकरे यांच्या संभाव्य युतीवर मुख्यमंत्री देवेंद्र फडणवीस यांनी टीका केली होती. दोन्ही पक्ष संपलेले आहेत. दोघांचे आपले अस्तित्व संपल आहे. ते टिकवण्यासाठी ते एकत्र आले आहेत. अशी खिल्ली फडणवीस यांनी उडवली होती. या टीकेला उत्तर देताना ठाकरे गटाचे खासदार संजय राऊत यांनी महायुतीवर जोरदार हल्लाबोल केला आहे. तुम्ही एकमेकांची मालिश करण्यासाठी एकत्र आलात का?, असा खोचक सवाल राऊत यांनी उपस्थित केला. रात्री उपमुख्यमंत्री एकनाथ शिंदे हे वर्षावर जाऊन मालिश करतात का आणि फडणवीस हे ठाणेला जाऊन शिंदेंची मालीश करता का असा टोलाही त्यांनी लगावला. सत्तेसाठी एकत्र आलेल्यांनी इतरांवर टीका करू नये असे खडेबोल राऊत यांनी सुनावले आहेत.