दोन तासांसाठी सीबीआय-ईडी यंत्रणा हातात द्या, अमित शाह सुद्धा मातोश्रीवर येऊन शिवसेनेत प्रवेश करतील, असा खोचक टोला संजय राऊतांनी लगावला.

ऑपरेशन टायगरवर बोलताना संजय राऊत म्हणाले की, जे काही लोक सोडून जात आहेत, ते फक्त केंद्रीय यंत्रणेच्या दबावामुळे जात आहेत. आमच्या हातात फक्त ईडी आणि सीबीआय द्या, अमित शाह सुद्धा आमच्या पक्षात प्रवेश करतील, अशी घणाघाती टीका संजय राऊत यांनी केली आहे.

विधानसभा निवणुकीनंतर ठाकरे गटाला खिंडार पडल्याचे चित्र आहे. कोकणातले महत्त्वाचे नेते राजन साळवी यांनीही ठकरेंना जय महाराष्ट्र करत एकनाथ शिंदे यांच्यासोबत हातमिळवणी केली, साळवींच्या प्रवेशानंतर कोकणातल्या संपर्कप्रमुख,जिल्हाप्रमुख तसेच अनेक पदाधिकाऱ्यांनी शिंदेसेनेत प्रवेश केला. त्यामुळे ठाकरे गटाला मोठा धक्का बसला आहे. यावरून ठाकरे गटाचे नेते संजय राऊत यांनी भाजपवरच जोरदार प्रहार केला. फक्त दोन तासांसाठी ईडी आणि सीबीआय आमच्या हातात द्या, अमित शाह सुद्धा मातोश्रीत येऊन शिवसेनेत प्रवेश करतील, असा घणाघाती हल्ला संजय राऊत यांनी चढवला आहे.