ठाकरे गटाचे माजी उपनेते सुधाकर बडगुजर यांनी आज भाजपमध्ये प्रवेश केल्याने भाजपवर विरोधकांकडून टीकास्त्र सोडले जात आहे. यावरुनच खासदार संजय राऊत यांनी भाजपवर तूफान हल्लाबोल चढवला आहे. भाजपला कोणाला घ्यायचा आहे तो त्यांचा प्रश्न आहे. शिवसेनेमध्ये कोणाला घ्यायचे आहे तो आमचा प्रश्न आहे. सध्या ठिकठिकाणी पक्षप्रवेश सोहळा सुरू आहे. आता दाऊद इब्राहीमला शुद्ध करून पक्षात प्रवेश सुरू घेण्याची प्रक्रिया सुरू असेल. इकबाल मिरची याला शुद्ध करून घेतलेच आहे. आता दाऊदला घेतील. सलीम कुत्त घेतील ही त्यांची विचारधारा आहे. असे म्हणत संजय राऊत यांनी भाजपवर जोरदर हल्लाबोल चढवला.