राज्याच्या राजकारणात पुन्हा भूकंप होण्याची शक्यता आहे. ठाकरे गट पुन्हा फुटणार असण्याची शक्यता आहे. ठाकरे गटातील बंडखोर खासदार वेगळा गट स्थापन करण्यासाठी उद्या लोकसभा अध्यक्षांना भेटून पत्र देणार असल्याची माहिती आहे. या पार्श्वभूमीवर ठाकरेंच्या खासदारांच्या गोटात हालचालींना वेग आला आहे. ठाकरे गटाच्या फुटीच्या पार्श्वभूमीवर संजय राऊत यांनी 'एक्स'वर पोस्ट करत टीका केली. संजय राऊत यांनी पोस्ट करत म्हटलं की, अपना सपना मनी..मनी. महाराष्ट्रातील खासदारांना विकत घेण्यासाठी…आज रात्री प्रत्येकी १५ कोटींचा अॅडवान्स देण्यात येत असल्याची माहिती धक्कादायक आणि घृणास्पद आहे'. संजय राऊत यांच्या पोस्टनंतर राजकीय वर्तुळात खळबळ उडाली आहे.