केंद्र सरकारकडून आरबीआय गव्हर्नरची घोषणा करण्यात आली आहे. संजय मल्होत्रा हे आरबीआयचे नवीन गव्हर्नर असणार आहेत. याबद्दल सोमवारी केंद्र सरकारने घोषणा केली. पुढील ३ वर्ष संजय मल्होत्रा यांचा कार्यकाळ असणार आहे.

रिझर्व बँक ऑफ इंडियाच्या नव्या गव्हर्नरची आज निवड करण्यात आली आहे. येणाऱ्या तीन वर्षांच्या कार्यकाळासाठी संजय मल्होत्रा यांची गव्हर्नरपदी नियुक्ती केंद्राकडून करण्यात आली आहे. आज झालेल्या मंत्रीमंडळाच्या बैठकीत मल्होत्रा यांच्या नावावर शिक्कामोर्तब करण्यात आलं. त्यानंतर त्यांच्या नावाची अधिकृत घोषणा झाली. पुढच्या ३ वर्षांसाठी ही नियुक्ती करण्यात आली आहे. ११ डिसेंबरपासून मल्होत्रा हे या पदावर रुजू होणार आहेत. यापूर्वी शक्तीकांत दास यांनी मागचा काही काळ गव्हर्नर म्हणून काम केलं होतं.