सांगली : सांगलीतून मोठी राजकीय घडामोड समोर आलीय. विशाल पाटील यांनी अपक्ष उमेदवारी अर्ज दाखल केलाय. उद्धव ठाकरे यांनी परस्पर चंद्रहार पाटील यांना उमेदवारी जाहीर केल्यानं विशाल पाटील नाराज होते. दरम्यान, आता विशाल पाटील हे उद्या शक्तिप्रदर्शन करुन काँग्रेसकडून उमेदवारी अर्ज दाखल करणार असल्याची माहिती समोर आलीय. सांगलीच्या राजकारणातून समोर आलेल्या या घडामोडीनं महाविकास आघाडीत तणाव वाढल्याचं बोललं जातंय. महाविकास आघाडीला सांगलीचा तिढा सोडवण्यात आता यश येणार की नाही? ठाकरे आपल्या उमेदवारावर ठाम राहणार की आणखी काही नवी राजकीय समीकरणं सांगलीत पाहायला मिळणार, यावरुन तर्क वितर्कांना उधाण आलंय.