सांगली : सांगलीतून भाजपला मोठा धक्का बसलाय. भाजपचे माजी आमदार विलासराव जगपात यांनी विशाल पाटील यांना पाठींबा दिलाय. भाजपचे विद्यमान खासदार संजयकाका पाटील यांना पुन्हा एकदा सांगलीतून उमेदवारी दिल्यामुळे विलासराव जगताप नाराज असल्याचं समोर आलं होतं. त्यानंतर आता जगताप यांनी थेट विशाल पाटील यांना पाठिंबा जाहीर केलाय. त्यामुळे सांगलीच्या राजकारण चर्चांना उधाण आलंय. दरम्यान, विशाल पाटील यांनीही अपक्ष उमेदवारी अर्ज दाखल केल्यामुळे सांगलीच्या राजकारण खळबळ उडालीय. ठाकरे गटाला सांगलीची जागा दिल्यामुळे विशाल पाटील यांनी नाराजी व्यक्त केली होती. त्यानंतर त्यांनी सांगलीची जागा काँग्रेसलाच मिळावी, असा आग्रह देखील धरला होता.