विजय पाटील, साम टीव्ही, प्रतिनिधी

राज्यात मागील काही दिवसांपासून वातावरणात बदल झाल्याचे पाहायला मिळत आहे. सांगलीमध्येही सलग दुसऱ्या दिवशी पावसाने हजेरी लावली. सांगली जिल्ह्यातील पलूस तालुक्यात दोन दिवसांपासून वळवाचा पाऊस पडत आहे. वळवाच्या पावसानंतर पूर्वेला विलोभनीय नजारा पाहायला मिळाला आहे. पलूस परिसरात अनेकांनी आपापल्या मोबाइलमध्ये इंद्रधनुष्याची छबी कैद केली आहे.

सांगलीतील पलूस तालुक्यात वळवाच्या पावसानंतर इंद्रधनुष्याचे विलोभनीय दृश्य पाहायला मिळाले. मोबाईलमध्ये या इंद्रधनुष्याची सुंदर छबी कैद करत सोशल मीडियावर स्टेटसला झळकवल्याचे पाहायला मिळाले. वांकर मळा पलूस येथे निसर्ग प्रेमी संदीप नाझरे यांनी हा नजारा कॅमेऱ्यामध्ये कैद केला आहे.