बुलढाण्याच्या मुंबई कॉरिडॉरवरील समृद्धी महामार्गाला भलमोठं भगदाड पडलं आहे. भगदाड पडलेल्या जागेला कापडी पिशव्यांनी बुजवण्यात आली आहे. हे भगदाड अपूर्ण कामामुळे पडल्याचं सांगण्यात येत आहे. या भगदाडातून लोखंडी तुकडा बाहेर आल्यामुळे या ठिकाणी अपघातांचं प्रमाण वाढलं आहे. गेल्या 3 ते 4 दिवसात तब्बल 4 अपघात या भगदाडामुळे घडले आहेत. असं असलं तरीही याकडे प्रशासनाचे दुर्लक्ष झाल्याचं पहायला मिळालं. यामुळे नागरिकांमध्ये नाराजी पहायला मिळत आहे.