इतिहास संशोधक इंद्रजीत सावंत यांना मिळालेल्या धमकी प्रकरणात आता संभाजी ब्रिगेडने उडी घेतली आहे. प्रशांत कोरटकर यांनी ही धमकी दिल्याचा आरोप होत आहे. कोरटकर यांनी आरोप फेटाळला असला तरी, त्यांच्या विरोधात संभाजी ब्रिगेड आक्रमक झाली आहे.

प्रशांत कोरटकर यांनी छत्रपती शिवाजी महाराज आणि छत्रपती संभाजी महाराज यांचा देखील अपमान केला असल्याचे सांगत प्रशांत कोरटकर जिथे भेटतील तिथे त्यांचे तोंड काळे करून, धिंड काढण्याचा इशारा संभाजी ब्रिगेडनं दिला आहे. पनवेल येथे झालेल्या पत्रकार परिषदेत हा इशारा दिला आहे. आम्ही कालच जाहीर केलं आहे की कोरटकरला काळं फासणाऱ्या किंवा धिंड काढणाऱ्या व्यक्तीला एक लाखाचं बक्षीस देण्यात येणार आहे, असं संभाजी ब्रिगेडचे प्रदेश संघटक सचिन सावंत यांनी सांगितलं.