अहमदपूर विधानसभा मतदारसंघात राष्ट्रवादी अजित पवार गटाचं पारड जड झालेलं आहे. याठिकाणी दोन्ही राष्ट्रवादीच्या गटात लढत झाली आहे. अजित पवार गटाकडून बाबासाहेब पाटील हे उमेदवार आहेत तर शरद पवार यांच्या गटाकडून विनायक पाटील यांना उमेदवारी देण्यात आली आहे. मतदानानंतर आता सकाळच्या एक्झिट पोलच्या सर्वेक्षणातून संभाव्य आमदार म्हणून राष्ट्रवादी अजित पवार गटाचे बाबासाहेब पाटील यांचं नाव पुढे आलं आहे.

अहमदपूर मतदारसंघात महायुतीकडून राष्ट्रवादी अजित पवार यांच्या पक्षाला ही जागा सुटली होती. त्यानंतर या ठिकाणी बाबासाहेब पाटील यांना संभाव्य आमदार म्हणून मतदारांची पसंती मिळत आहे. त्यामुळे या मंतदारसंघातून् अजित पवार यांच्या गटाला यश मिळण्याची शक्यता आहे. तर शरद पवार यांना मात्र याठिकाणी पराभव स्वीकारावा लागणार आहे.

या मतदारसंघात केलेल्या विकासकामांच्या जोरावर महायुती पुरस्कृत उमेदवाराला परिसरातील मतदारांकडून पसंती मिळत आहे. त्यामुळे बाबासाहेब पाटील यांना मतदारांचा कौल मिळणार असल्याचं एक्झिट पोलच्या माध्यमातून बघायला मिळत आहे.