अभिनेता सैफ अली खानवर हल्ला करणाऱ्या आरोपीची ओळख अखेर पटलेली आहे. आरोपींचं ठिकाण कळल्याचीही माहिती समोर आली आहे. हल्ला करणारे आरोपी दादर परिसरात असल्याची माहिती देण्यात आली आहे.

सैफ अली खानवर चाकूने जीवघेणा हल्ला करणाऱ्या आरोपींची ओळख अखेर पटली आहे. तसंच त्यांचा ठावठिकाणा माहिती करण्यातही पोलिसांना यश आलं आहे. मुंबईच्या दादर परिसरात हे आरोपी असल्याची माहिती समोर आली आहे. पोलिसांकडून याबद्दल कसून चौकशी केली जात आहे. सैफ अली खान याच्यावर मध्यरात्री राहात्या घरी अज्ञात चोराने चाकूने हल्ला केला होता. त्यानंतर या हल्ल्यात तो गंभीर जखमी देखील झाला असून त्याच्यावर लीलावती रुग्णालयात उपचार सुरू आहेत. या घटनेनंतर मुंबई क्राईम ब्रांचकडून या प्रकरणाचा तपास सुरू झाला आहे. आता पोलिसांना आरोपी टोळीचा शोध लावण्यात यश आलं आहे. हल्ला करणाऱ्या आरोपीची ओळख पटली असून त्यांचा ठिकाणा देखील समजला आहे. या प्रकरणी पोलीस अधिक तपास करत आहे.