Iran war impact on crude oil prices : रशियाचा धाक आणि होर्मुझच्या सामुद्रधुनीतील नाकेबंदीमुळे अमेरिकेनं टॅरिफला टाटा केलयं...ट्रम्प यांनी त्यांचा 'टॅरिफ बॉम्ब' स्वतःच कसा निकामी केलाय. ट्रम्प यांना इराणनं कसं गुडघ्यावर आणलयं... पाहूयात या स्पेशल रिपोर्टमधून...

उठसूठ मनात येईल तसा मनमानी टॅरिफ लावून जगाला छळणाऱ्या ट्रम्पला इराणनं अशरक्ष गुडघ्यावर आणलंय. 14 दिवस बलाढ्य अमेरिकेच्या हल्ल्यांनी जखमी होऊनही अजिबात विचलित न होता इराणनं जगावर लादलेला टॅरिफ बॉम्ब फोडून अमेरिकेला अद्दल घडवल्याचं आता बोललं जातंय. कारण अमेरिकेनं आता जागतिक इंधन दरवाढीच्या आणिबाणीनंतर टॅरिफ लादलेल्या देशांसाठी मोठा निर्णय घेतलाय.

ट्रम्पचा टॅरिफ बॉम्ब फुटला

रशियाकडून तेल खरेदी करण्यास मान्यता

जगातील सर्व देशांना अमेरिकेची सवलत

आंतराष्ट्रीय दबावापुढे झुकले ट्रम्प

होर्मुझच्या सामुद्रधुनीत अडकलं इंधन

रशियाची नाकेबंदी करण्यासाठी ट्रम्प यांनी जगभरात रशियाकडून तेल खरेदी करणाऱ्या देशांना अवाढव्य टॅरिफ लावला. आता रशियानं अमेरिकेचा बदला घेत युद्धात इराणच्या पाठीशी उभं असल्याचं जाहिर केल्यानंतर युद्धात रशिया उतरला तर हे युद्ध आणखीन भडकेल आणि म्हणूनच रशियाला शांत करण्यासाठी ट्रम्प यांनी आपल्या धोरणात बदल केल्याची चर्चा आहे. या युद्धात अमेरिकेन बाजी मारल्याच्या कितीही टिमक्या ट्रम्प मारत असले तरी इराणनं होर्मुझमध्ये नाकेबंदी करत जागतिक दबाव तयार करुन अमेरिकेवर बाजी मारली असंच म्हणावं लागेल.