छत्रपती शिवाजी महाराज यांच्याशी टिपू सुलतान याची तुलना करण्यावरून काँग्रेस प्रदेशाध्यक्ष हर्षवर्धन सपकाळ यांच्यावर टीकेची झोड उठली आहे. एकीकडं राजकारण तापलं असतानाच, शिवभक्तांनी सपकाळ यांना थेट इशारा दिला आहे. सपकाळ यांच्या तोंडाला काळं फासणार असल्याचं शिवभक्तांनी म्हटलं आहे. हर्षवर्धन यांच्याच घराबाहेरून त्यांना थेट इशारा देण्यात आला आहे.

सपकाळ यांना महाराष्ट्रात फिरू देणार नाही, असा इशारा बुलढाण्यातील शिवभक्तांनी दिला आहे. आम्ही आज बुलढाण्यातील घरासमोर आहोत. छत्रपती शिवाजी महाराजांचा अपमान केला आहे. रायगडावर नतमस्तक होऊन छत्रपती शिवरायांची माफी मागा, अन्यथा तुम्हाला महाराष्ट्रात फिरू देणार नाही. जिथं दिसाल तिथं तुमचं तोंड काळं केल्याशिवाय शिवभक्त शांत बसणार नाहीत, असा इशाराही सपकाळ यांना देण्यात आला आहे.