रोहित पवारांनी काका अजित पवारांचं कौतुक केलं आहे. त्यांनी अजितदादांना रॉकी भाई म्हटलं आहे. रोहित पवारांनी जाहीर सभेत उपमुख्यमंत्री अजित पवार यांचं कौतुक केलं आहे. यामुळे राजकीय वर्तुळात चर्चेला उधाण आलंय. “दादांची काम करण्याची पद्धत, निर्णयक्षमता आणि धाडसी नेतृत्व पाहिलं की KGF मधील रॉकीभाईची आठवण होते, पिंपरीतील २ गरुडांची म्हणजेच भाजपच्या दोन आमदारांची मक्तेदारी दादा संपवणार, असं रोहित पवारांनी म्हटलं आहे. पुण्यात महापालिका निवडणूकीसाठी दोन्ही राष्ट्रवादीची युती झाली आहे. भाजपला सत्तेपासून थांबवण्यासाठी दोन्ही राष्ट्रवादी एकत्र आल्या आहेत, असंही रोहित पवारांनी म्हटलं आहे.