रोहित पवार यांनी आज घेतलेल्या पत्रकार परिषदेत अजित पवार यांच्या विमान अपघाताबाबत अनेक गंभीर शंका उपस्थित करत राज्यात खळबळ उडवून दिली. यावेळी त्यांनी स्क्रीनवरून विविध संशयास्पद प्रश्न मांडले.

रोहित पवार यांनी सांगितले की या प्रकरणासंदर्भात एका तज्ज्ञ व्यक्तीसोबत चर्चा झाली असून एका पुस्तकातील एका ओळीचा संदर्भ देत त्यांनी धक्कादायक दावा केला. अजित पवार यांचा अपघात खरोखरच अपघात होता का, की त्यामागे काही वेगळा कट आहे, असा दाट संशय त्यांनी व्यक्त केला. त्या पुस्तकात ‘डेगन’ नावाच्या एजंटकडून एखाद्या व्यक्तीला संपवण्याच्या पद्धतींचा उल्लेख आहे.

एखाद्याला मारायचं असेल तर सर्वात सोपा मार्ग म्हणजे चालकाला संपवणं, म्हणजेच पायलटला मारलं तर सगळा विषय संपतो, असं त्या पुस्तकात नमूद असल्याचा दावाही रोहित पवार यांनी केला. या प्रकरणावर सध्या राज्यभर चर्चा सुरू असून, हा घातपाताचा प्रकार असल्याचा संशय त्यांनी व्यक्त केला. माझा काका गेला आहे, महाराष्ट्राचा फार मोठा नेता गेला आहे. या सगळ्या प्रश्नांची उत्तरं जोपर्यंत मिळत नाहीत, तोपर्यंत मी शांत बसणार नाही, असा ठाम इशाराही रोहित पवार यांनी दिला.