रोहित आर्य एन्काउंटर प्रकरणात एक मोठी अपडेट समोर आली असून, आता माजी शिक्षणमंत्री दीपक केसरकर यांचे नाव चर्चेत आले आहे. पवईतील ओलिस नाट्यादरम्यान रोहित आर्यनं माजी शिक्षणमंत्री केसरकर यांच्याशी संपर्क साधण्याचा प्रयत्न केला होता, 'मात्र केसरकरांनी त्याच्याशी बोलण्यास नकार दिला', असा दावा एका आयपीएस अधिकाऱ्याने केला आहे. शिक्षण विभागाकडे कामाची थकबाकी असल्याने रोहितने पवईत १७ मुलांना ओलिस धरले होते. यानंतर झालेल्या पोलीस कारवाईत त्याचा एन्काउंटर करण्यात आला. या नव्या माहितीमुळे, जर केसरकरांनी त्यावेळी रोहितशी बोलून मध्यस्थी केली असती, तर त्याचा जीव वाचू शकला असता, अशी चर्चा सुरू झाली असून, या प्रकरणी पोलिसांकडून केसरकर यांचा जबाब नोंदवला जाण्याची शक्यता आहे.