इंधनाच्या तुटवड्यानंतर झालेल्या दरवाढीचा मोठा फटका आता हॉटेल व्यवसायाला बसू लागला आहे. त्याचा सर्वात मोठा फटका सर्वसामान्यांना सोसावा लागत आहे. इंधन दरवाढीमुळं हॉटेलिंग महागलं आहे. पुण्यात आणि इतर शहरांतील हॉटेल्समध्ये खाद्यपदार्थांचे दर थेट १० ते १५ टक्क्यांनी वाढले आहेत.

इंधन दरवाढीमुळे वाहतूक खर्च वाढल्यानं भाजीपाला, किराणा आणि गॅस सिलिंडरच्या किमती कडाडल्या आहेत. तसंच मनुष्यबळाचा तुटवडा असल्यानं हॉटेल चालवण्याचा खर्च कमालीचा वाढला आहे. या दुहेरी संकटामुळे अनेक छोट्या हॉटेल्सना कायमस्वरूपी कुलूप लागल्यानं रोजगाराचाही मोठा प्रश्न निर्माण झाला आहे.