गणपतीनिमित्त गावी निघालेल्या शिक्षकाचं संपूर्ण कुटुंब बेपत्ता झाल्याची माहिती समोर आल्यानंतर नातेवाईक आणि समाजात खळबळ उडाली होती. हिंगोलीचे शिक्षक ज्ञानेश्वर चव्हाण हे पत्नी आणि दोन मुलांसह कारने गावी जात होते. मात्र, त्यांच्या कुटुंबातील सर्वांचे मोबाईल तब्बल ४० तास बंद असल्यानं नातेवाईकांनी शोधाशोध सुरू केली होती. अखेर २८ ऑगस्ट रोजी सकाळी नऊ वाजून पन्नास मिनिटांनी त्यांचा ठावठिकाणा लागला असून, संपू्र्ण कुटुंब सुखरूप असल्याची माहिती आहे.

ज्ञानेश्वर चव्हाण यांचं कुटुंब गोंदवले महाराज मठ, तालुका माण येथे मुक्कामी थांबलं होतं. याबाबत स्वतः ज्ञानेश्वर चव्हाण यांनी व्हिडिओ जारी करून माहिती दिली. त्यांनी गेल्या ४० तासांत काय घडलं याबाबतही खुलासा केला.