रिझर्व्ह बँक ऑफ इंडियाने (आरबीआय) नॅशनल पेमेंट्स कॉर्पोरेशन ऑफ इंडिया (NPCI) यांच्या प्रस्तावाला मंजुरी दिली आहे. त्यानुसार, दुसऱ्या बँकेच्या एटीएममधून पैसे काढणे आता अधिक महाग होणार आहे. 1 मेपासून हा बदल लागू होणार आहे. ठराविक मर्यादेनंतर दुसऱ्या बँकेच्या एटीएममधून पैसे काढल्यास, आता प्रति व्यवहार 17 रुपयांऐवजी 19 रुपये शुल्क आकारले जाईल. तसेच, बॅलन्स तपासण्यासाठी आकारले जाणारे शुल्क 7 रुपयांवरून वाढवून 9 रुपये करण्यात आले आहे.

एटीएम शुल्क वाढवल्यामुळे, एटीएम नेटवर्क ऑपरेटर आणि व्हाईट लेबल एटीएम कंपन्यांकडून इंटरचेंज फी वाढवण्याची मागणी होत आहे. सध्या एटीएमचे देखभाल व संचालन खर्च पूर्वीपेक्षा लक्षणीय वाढले आहेत. याच पार्श्वभूमीवर, नॅशनल पेमेंट्स कॉर्पोरेशन ऑफ इंडियाने ही मागणी आरबीआयसमोर मांडली होती, आणि आता आरबीआयने त्याला हिरवा कंदील दिला आहे.