उत्तर पश्चिम मुंबई लोकसभा मतदारसंघाच्या मतमोजणीत शिवसेना शिंदे गटाचे उमेदवार रवींद्र वायकर अवघ्या 48 मतांनी विजयी झाले. अमोल कीर्तिकारांचा पराभव करून त्यांनी विजय संपादन केला. या मतमोजणीत हेरफेर झाल्याचा आरोप शिवसेना ठाकरे गटाचे उमेदवार अमोल कीर्तीकर यांनी देखील केला होता. अमोल किर्तीकर यांच्या आरोपांनंतर इतर दोन पक्षांच्या उमेदवारांनी देखील यात हेरफेर झाल्याचा आरोप केला आहे. त्याचबरोबर मतमोजणी केंद्रात विजयी उमेदवाराचे मेहुणे आणि मुलगी यांनी मोबाईलचा वापर केल्याचा आरोप झाला आहे.