नवनीत राणांचा पराभव झाल्यामुळे अमरावती जिल्ह्याचे काय हाल झाले हे सर्वांना माहीत आहे. आताच्या खासदाराचा अत्ता पत्ता नाहीये. विकासाचा पत्ता नाही आहे. रवी राणा यांनी नाव न घेता अमरावतीचे खासदार बळवंत वानखडे यांच्यावर टीका केली. स्थानिक स्वराज्य संस्थांच्या निवडणुकीच्या प्रचारार्थ आमदार रवी राणा बोलत होते. काम करणारी महिला खासदार नवनीत राणा तुमच्या आशीर्वादाने लढत होती. पण जातीपातीच्या राजकारणामुळे तिचा पराभव झाला. विधानसभा निवडणुकीमध्ये आपल्या उमेदवाराचा पराभव झाला आणि दारूचा दुकान असलेला व्यक्ती निवडून आला. निवडून आलेल्या आमदाराने एका वर्षात काय आलू शिजवले. विकास कसा करायचा हे सांगण्यासाठी या आमदाराला माझ्याकडे पाठवा मी त्या आमदाराची ट्युशन घेतो. रवी राणा यांनी ठाकरे गटाचे आमदार गजानन लवटे यांच्यावर टीका केली.