ऑनलाईन अ‍ॅप्सच्या माध्यमातून अन्न मागवणे आजच्या घडीला अनेकांचा नियमित भाग बनला आहे. मात्र, आपण मागवतो ते अन्न किती स्वच्छ व दर्जेदार आहे, याची खात्री अनेकदा मिळत नाही. असाच एक धक्कादायक प्रकार भिवंडीमध्ये उघडकीस आला आहे.

स्विगीच्या भिवंडी येथील गोदामात उंदरांचा सुळसुळाट आणि झुरळांचा वावर असल्याचे आढळले आहे. विशेष म्हणजे, हे झुरळ आणि उंदीर थेट खाद्यपदार्थ ठेवलेल्या भागात वावरताना दिसले आहेत. या प्रकरणाची गंभीर दखल घेत महाराष्ट्र नवनिर्माण सेनेचे नेते अविनाश जाधव यांनी गोदामावर धडक देत व्यवस्थापनाला जाब विचारला.