मुंबई : ताज हॉटेलवर 26/11 च्या हल्ला झाला. त्यावेळी रतन टाटांनी स्वत: एक किस्सा सांगितला होता. काय आहे तो पाहूयात...

उद्योगपती टाटा, प्राणीमित्र टाटा, हळवे टाटा सर्वांनाच माहितीयत. मात्र वेळ आली तर हेच टाटा किती धैर्यवान आणि अग्रेसिव्ह होतात, याचा अनुभव मुंबईवरील 26/11 च्या दहशतवादी हल्ल्यावेळी आला. ताज हॉटेलला दहशतवाद्यांनी वेठीस धरलं त्यावेळी गरज पडली तर माझी संपूर्ण मालमत्ता बॉम्बनं उडवून द्या. मात्र दहशतवाद्यांना जिवंत सोडू देऊ नका, असं सांगण्याची हिंमत टाटांनी दाखवली.

26/11ला दहशतवाद्यांनी ताज हॉटेलला लक्ष्य केलं होतं. ताजच्या कर्मचा-यांना रतन टाटांनी फोन केला, मात्र त्याठिकाणी कुणीही फोन न उचलल्यामुळे स्वत: गाडी काढून ते ताजला पोहोचले. मात्र सुरक्षा रक्षकानं त्यांना आत जाण्यास मनाई केली. या सगळ्या अडचणीच्या काळात रतन टाटा आपल्या कर्मचा-यांच्या कायम संपर्कात होते. स्वत:चा जीव धोक्यात घालून ते ताज हॉटेल व्यवस्थापनाच्या पाठीशी भक्कमपणे उभे राहिले. ताजच्या भव्यतेसारखेच विशाल हृदयाचे रतन टाटा भारतीयांच्या कायम स्मरणात राहतील.