पुणे जिल्ह्यातील भोर तालुक्यातील रायरेश्वर पठारावर एक दुर्मिळ घटना घडली आहे. शेतकऱ्याच्या पाळीव म्हशीला रानगव्यापासून रेडकू झालेय. हे रेडकू म्हशीसारखे नसून रानगव्याप्रमाणे दिसत असल्याने मोठी चर्चा रंगली आहे. वनविभागाच्या प्राथमिक पाहणीनंतर हे रेडकू रानगव्याचं असल्याची शक्यता वर्तवण्यात आली असून, डीएनए तपासणीसाठी नमुने पाठवण्यात आले आहेत. स्थानिकांनी या घटनेला निसर्गाची अद्भुत देणगी मानली असून वैज्ञानिक तपासणीकडे सर्वांचे लक्ष लागले आहे.