रांजणगाव गणपती (ता. शिरूर): येथील शेतकरी रोहिदास लवांडे यांच्या घरासमोरील कुत्र्यावर मध्यरात्री बिबट्याने अचानक हल्ला चढवला. या घटनेदरम्यान लवांडे यांचा कुत्रा थोडक्यात बचावला. ही घटना रांजणगाव गणपती निमगाव म्हाळुंगे रोडलगत घडली आहे. अचानक झालेल्या हल्ल्यामुळे परिसरातील नागरिकांमध्ये भीतीचे वातावरण पसरले आहे. घराच्या परिसरातच बिबट्या शिरल्याने ग्रामस्थांनी वनविभागाकडे तातडीने लक्ष घालण्याची मागणी केली आहे.