विधानपरिषेदेचे माजी सभापती रामराजे नाईक निंबाळकर यांच्या अडचणीत वाढ झाली आहे. रामराजे निंबाळकर यांना वडूज पोलिस यांच्याकडून चौकशीसाठी समन्स पाठवण्यात आला आहे. मंत्री जयकुमार गोरे यांच्या बदनामी प्रकरणात चौकशीसाठी रामराजे नाईक निंबाळकर समन्स पाठवण्यात आले आहे. उद्या सकाळी 11 वाजता वडूज पोलिस ठाण्यात चौकशीसाठी उपस्थित राहण्याचे आदेश या समन्सद्वारे पोलिसांनी दिले आहेत.

या प्रकरणात १२ लोकांना चौकशीसाठी नोटीस पाठवण्यात आल्या आहेत. सूत्रांकडून मिळालेल्या माहितीनुसार, याप्रकरणात माजी सभापती रामराजे नाईक निंबाळकर यांच्यासह माजी आमदार प्रभाकर घार्गे यांच्यासह पत्रकार आणि त्यांच्या संपर्कात असलेले काही कार्यकर्ते यांना नोटीस पाठवण्यात आल्या आहेत. आता रामराजे निंबाळकर चौकशीसाठी हजर राहणार की नाही हे पाहणं महत्वाचे ठरेल.