दलितांना संघटित करण्यासाठी डॉ. बाबासाहेब आंबेडकरांनी आरपीआयची स्थापना केली. मात्र गेल्या काही दशकांत या पक्षाची अनेक शकलं झाली. आणि आंबेडकरी चळवळ दुभगंली. मात्र आता या चळवळीच्या एकजुटीसाठी केंद्रीय मंत्री आणि रिपाइं आठवले गटाचे अध्यक्ष रामदास आठवले यांनी पुढाकार घेतलाय. त्यांनी यासाठी थेट वंचित बहुजन आघाडीचे सर्वेसर्वा आणि बाबासाहेब आंबेडकरांचे नातू प्रकाश आंबेडकरांनाच नेतृत्व करण्याची ऑफर दिलीय. मात्र ही ऑफर वंचित बहुजन आघाडीनं धुडकावून लावलीय.

रामदास आठवलेंनी यापूर्वीही प्रकाश आंबेडकांना एकत्र येण्याची साद घातली आहे. मात्र आंबेडकांनी त्याला प्रतिसाद दिला नाही. आता वंचितने विधानसभा निवडणुकीसाठी आपले काही उमेदवारही जाहीर केले आहेत. राजकारणात काहीही घडू शकतं. भविष्यात आठवले आणि आंबेडकर एकत्र आले तर राज्यातील राजकारणाला नवी दिशा मिळू शकते. एव्हढं मात्र नक्की...