अकलूज : माझं पार्सल दिल्लीला पाठवायचं, असं सोलापूरकरांनी ठरवलं आहे, असा पलटवार राम सातपुते यांनी केलं. धैर्यशील मोहित पाटील यांनी अकलूजमध्ये राम सातपुते यांच्यावर टीका केली होती. इथल्या लोकांना एका रात्रीत तुला आमदार केला होता, असं वक्तव्य मोहिते पाटील यांनी केलं होतं. आता एका रात्रीत तुझं पार्सल बीडला पाठवायचं, असं इथल्या लोकांनी ठरवल्याचंही मोहिते पाटील यांनी म्हटलंय. त्यावर राम सातपुतेंनी आता मोहिते पाटलांना प्रत्युत्तर दिलंय. धैर्यशील मोहित पाटील यांना महाविकास आघाडीकडून अखेर उमेदवारी जाहीर झालीय. माढ्यातून उमेदवारी जाहीर झाल्यानंतर केलेल्या भाषणात मोहिते पाटील यांनी राम सातपुते यांना टोला लगावला होता. त्यावरुन राम सातपुतेंनी आता पलटवार केलाय.