अभिनेत्री राखी सावंत पुन्हा एकदा वादाच्या भोवऱ्यात सापडली आहे. ती नेहमीच आपल्या कोणत्या कोणत्या कारणाने चर्चेत असते. तिचे जुने व्हिडिओ पाहता ती अनेकवेळा ट्रोलिंगचा शिकार झाली आहे. पहलगाम येथील दहशतवादी हल्ल्यानंतर संपूर्ण देशभरात पाकिस्तान विरोधात संतापाची लाट उसळली आहे. याबाबत राखीने तिचा व्हिडिओ बनवत व्हायरल केला आहे. यामध्ये ती पाकिस्तानचा जयघोष करत आहे. त्यामुळे अचानक राखी सावंतला पाकिस्तानचा इतका पुळका का आला असा संतप्त सवाल लोक विचारत आहे.

व्हिडिओत काय बरळली राखी?

मी राखी सावंत आहे. मी खरे बोलेन. खऱ्याशिवाय काही बोलणार नाही. पाकिस्तानकरानो मी तुमच्या सोबत आहे. जय पाकिस्तान! राखीचा हा व्हिडिओ बघून देशभरातून संताप व्यक्त केला जात आहे. तसेच तिला देशातून हुसकावून लावण्याची मागणी करत आहे. पाकिस्तान जिंदाबाद घोषणेमुळे राखी सावंत आता अडचणीत येण्याची शक्यता आहे.