मुंबईत पु्न्हा राजकीय वातावरण तापायला सुरुवात झाली आहे. मुंबई महापालिकेच्या तोंडावरच ठाकरे गटाच्या राजुल पटेल यांनी शिंदे गटात प्रवेश केला आहे. शिंदे गटाला साथ दिल्यानंतर राजुल यांनी शिवसेना शाखेला टाळे ठोकले. यामुळे ठाकरे गटाचे शिवसैनिक आक्रमक झाले. या कृत्याविरोधात माजी मंत्री अनिल परब स्वत: रस्त्यावर उतरले. ठाकरे गटाचे शेकडो शिवसैनिक शाखेवर जमा झाले.

मुंबईतील जोगेश्वरी बेहराम बागजवळ रात्री शिवसेना शाखेसमोर हायव्होल्टेज ड्रामा पाहायला मिळाला. राजुल पटेल यांनी शिंदे गटात प्रवेश केल्यानंतर ठाकरे गटाने शिवसेना शाखेवर दावा केला आहे. तसेच या कार्यकर्त्यांनी राजुल पटेल यांच्याविरोधात घोषणाबाजी केली.

शाखेला पोलीस छावणीचे रूप आले आहे. दोन्ही गटाकडून शाखेला टाळे लावण्यात आले.