केंद्र सरकारनं ९९,१५० मेट्रिक टन कांदा निर्यातीला परवानगी देण्याचा निर्णय घेतल्यानंतर शेतकरी नेते राजू शेट्टी यांनी पहिली प्रतिक्रिया दिली आहे. केंद्राने घेतलेल्या निर्णयाचं मी स्वागतच करतो. गुजरातच्या कांद्याला निर्यातीची परवानगी दिल्यानंतर सगळीकडून टीका झाली होती. त्यानंतर केंद्र सरकारने घाईघाईनं ९९,१५० हजार मेट्रिक टन कांदा निर्यातीस परवानगी दिली आहे. एवढं पुरेसं नाही. ४ लाख मेट्रिक टन कांदा निर्यातीस परवानगी दिली तर खऱ्या अर्थानं शेतकऱ्यांना फायदा होईल. हा निर्णय जोपर्यंत होत नाही, तोपर्यंत पाठपुरावा करण्यात येईल, अशी प्रतिक्रिया राजू शेट्टी यांनी दिली.