पहलगाम दहशतवाद हल्ल्यानंतर भारताने ऑपरेशन सिंदूर राबवत पाकिस्तान पोसत असलेल्या दहशतवाद्यांचा भारतीय सैन्याने खात्मा केला. त्यानंतर भारत आणि पाकिस्तानमध्ये मोठ्या प्रमाणात तणाव निर्माण झाला आहे. यानंतर भारताकडून पाकिस्तानला सातत्याने इशारे दिले जात आहे. आज पुन्हा एकदा संरक्षण मंत्री राजनाथ सिंह यांनी पाकिस्तानला थेट इशारा दिला आहे. ते म्हणाले, पीओकेमधील लोक देखील आपलेच आहेत, त्यांना दिशाभूल केले जात आहे. पीओके आपलाच एक भाग आहे आणि मला विश्वास आहे की, एक दिवस पीओके स्वतःच भारतात सामील होण्यास तयार होईल असा विश्वास त्यांनी व्यक्त केला.

राजनाथ सिंह म्हणाले, आता पाकिस्तानसोबत चर्चा फक्त दहशतवाद आणि पीओकेवर होईल आम्ही मोदीजींच्या एक भारत आणि भारताच्या संकल्पाशी वचनबद्ध आहोत आम्हाला विश्वास आहे की एक दिवस नक्कीच पीओकेतले लोक भारताच्या मुख्य प्रवाहात परत येतील.