मुंबई : मुंबईत आज मालवणमधील राजकोट किल्ल्यावरील छत्रपती शिवाजी महाराजांच्या पुतळ्याच्या विटंबनाप्रकरणी महाविकास आघाडीकडून जोडेमारो आंदोलन पुकारण्यात आलंय. या आंदोलनात सहभागी होण्यासाठी माजी मुख्यमंत्री आणि शिवसेना पक्षप्रमुख उद्धव ठाकरे आमदार आदित्य ठाकरे आणि आमदार मिलिंद नार्वेकर, शरद पवार, नाना पटोले हे सहभागी झाल्याचं दिसत आहे. महाविकास आघाडीच्या कार्यकर्त्यांकडून महायुती सरकारचा निषेध व्यक्त केला जातोय.

आज मुंबईत वातावरण तापलेलं दिसत आहे. महाविकास आघाडीच्या नेत्यांचा महायुती सरकारविरोधात एल्गार पाहायला मिळतोय. हातात बॅनर घेवून महाविकास आघाडीचे कार्यकर्ते जोरदार घोषणाबाजी करत असल्याचं समोर आलंय. मविआचे सर्व नेते, कार्यकर्ते आणि पदाधिकारी आंदोलनात सहभागी झाले आहेत. महायुती सरकारविरोधात महाविकास आघाडीचा संताप पाहायला मिळतोय. या आंदोलनाला पोलिसांची परवानगी मिळालेली नाही, तरी देखील आंदोलन सुरू आहे.