राज ठाकरे यांच्या बीडमधील दौऱ्यावेळी ठाकरे गटाच्या कार्यकर्त्यांनी राडा घातला होता. घोषणा करत राज ठाकरे यांच्या गाडीसमोर सुपारी फेकत आंदोलन करण्यात आलं. यानंतर अ‍ॅक्शनला रिअ‍ॅक्शन पाहायला मिळाली. उद्धव ठाकरे यांच्या ठाण्यातील मेळाव्यावेळी मनसे कार्यकर्त्यांनी देखील राडा केला. यावर आता ठाकरे गटाचे नेते राजन विचारे यांची प्रतिक्रिया समोर आली आहे. मर्द असाल तर समोर या असा थेट इशारा राजन विचारे यांनी दिला आहे. दरम्यान महिलांना समोर ठेवून हा प्रकार केला गेला हा निंदनीय असल्याचंही ते म्हणाले.