लोकसभा निवडणुकीत शिंदे गटाचे खासदार नरेश म्हसके यांनी ठाकरे गटाचे नेते राजन विचारे यांचा पराभव करत दणदणीत विजय मिळवला होता. नरेश म्हसके यांच्या निवडीवर राजन विचारेंनी आक्षेप घेतला आहे. एका प्रकरणात नरेश म्हसके दोशी होते. म्हसकेंच्या प्रतिज्ञापत्रात दोषी ठरवला नसल्याचा उल्लेख खोटा असल्यांच म्हणत त्यांची खासदारकी रद्द करण्यात यावी अशी मागणी याचिका दाखल करत राजन विचारे यांनी केली होती. याप्रकरणी ठाण्याचे खासदार नरेश म्हसके यांच्यासह ठाण्यातील २२ लोकसभा उमेदवारांना मुंबई हायकोर्टाने नोटीस बजावली आहे. तर मला कोणतीही नोटीस आली नाही असं नरेश म्हसके यांनी म्हटलं आहे.