मनसे अध्यक्ष राज ठाकरे यांनी शिवसेना ठाकरे गटाचे खासदार संजय राऊत यांची भेट घेतली. राऊत यांच्या भांडुप येथील निवासस्थानी राज यांनी प्रत्यक्ष भेट घेतली. यावेळी त्यांनी राऊत यांच्या प्रकृतीची विचारपूस केली. संजय राऊत हे गेल्या महिन्याभरापासून आजारी आहेत. त्यांनी आपल्याला गंभीर आजारच निदान झाल्याची माहिती देत आपण काही दिवस आराम करणार असल्याची माहिती दिली होती. या दरम्यान ते रुग्णालयात दाखल झाले होते. रुग्णालयात योग्य उपचार मिळाल्यानंतर त्यांना डिस्चार्ज देण्यात आला. ते काही दिवस राजकारणापासून दूर देखील होते. राज ठाकरे आणि संजय राऊत यांच्यामध्ये अर्धा तास चर्चा झाल्याची माहिती सूत्रांनी दिली.