आज सकाळपासूनच राज्याच्या राजकारणात सर्वांच्याच भुवया उंचावल्या आहेत. त्याचं कारण म्हणजे राज ठाकरे यांनी एका मुलाखतीत शिवसेनेसोबत युती होण्यासाठी सकारात्मक प्रतिसाद दिला. त्यानंतर उद्धव ठाकरे यांनी देखील त्याला दुजोरा दिला आहे. यानंतर राज्यभरातून प्रतिक्रिया यायला सुरुवात झाल्या आहे.

यावरच शिंदे गटाचे नेते संजय शिरसाट म्हणाले, उद्धव ठाकरे यांना इतर संघटनेंनी आपल्यासोबत यावे हे उचित वाटत नाही हा आज पर्यंतचा इतिहास आहे. उद्धव ठाकरे यांचं महाविकासआघाडीशी ही कधी जमलं नाही, शरद पवार आणि कॉंग्रेससोबत देखील जमलं नाही आणि राज ठाकरे यांचं तर उद्धव ठाकरेंसोबत तर कधीच जमणार नाही. कारण त्यांना सगळ्या अंतर्गत परिस्थितीची जाणीव आहे, अशी प्रतिक्रिया मंत्री संजय शिरसाट यांनी दिली आहे.