मुंबई : राज ठाकरे (Raj Thackeray News Today) यांनी उघडपणे मोदींना (Narendra Modi) पाठिंबा देत असल्याचं जाहीर केलं. मात्र हे जाहीर करतानाच त्यांनी अनेक गोष्टींची आठवणही करुन दिली. राज ठाकरे हा देशातला पहिला माणूस होता ज्याला असं वाटत होतं मोदी पंतप्रधान व्हावे, असं विधानही त्यांनी केलं. ते मनसेच्या गुढीपाडवा मेळाव्यात बोलत होते. भाजपसाठी, NCP साठी, शिवसेनेसाठी नाही पण देशाला एक खंबीर नेतृत्व मिळावं यासाठी मी नरेंद्र मोदींना बिनशर्त पाठिंबा जाहीर करतो, असं वक्तव्य राज ठाकरे यांनी यावेळी केलं. यानंतर राज ठाकरेंना ऐकायला आलेल्यांनी टाळ्यांचा एकच कडकडाट केल्याचंही पाहायला मिळालं.