राज्याच्या राजकारणातून एक महत्त्वाची अपडेट समोर आलीय. राज ठाकरे ईशान्य मुंबईचा दौरा करणार आहेत. त्या पार्श्वभूमीवर महत्त्वाची घडामोड समोर आली आहे. आशिष शेलार यांनी राज ठाकरे यांची भेट घेतली. ईशान्य मुंबईच्या दौऱ्याच्या पार्श्वभूमीवरच ही भेट घेण्यात आली असल्याची शक्यता वर्तवली जाते आहे. राज ठाकरे ईशान्य मुंबईत महत्त्वाच्या गाठीभेटी घेणार असून तेथील पदाधिकाऱ्यांनाही ते मार्गदर्शन करण्याची शक्यता आहे. शिवतीर्थ या राज ठाकरे यांच्या निवासस्थानी आशिष शेलार यांनी भेट दिली. त्यादरम्यान नेमकी चर्चा काय झाली, हे कळू शकलेलं नाही. मात्र मुंबईतील प्रचाराच्या अनुशंगाने महत्त्वाची रणनीती या भेटीदरम्यान आखली जाईल, अशी शक्यता वर्तवली जाते आहे.