रायगड जिल्ह्यात काल झालेल्या मुसळधार पावसामुळे अंबा नदीला पूरसदृश स्थिती निर्माण झाली असून, नागोठणे परिसरात नदीवरील एका महत्त्वाच्या पुलाला मोठा फटका बसला आहे. अंबा नदीवरील या पुलाचा एक कठडा जोरदार पाण्याच्या प्रवाहात वाहून गेला आहे.ही घटना नागोठणे ते वरवटणे मार्गावर घडली असून, या मार्गावरून वाहतूक करताना नागरिकांना मोठा धोका निर्माण झाला आहे. नदीचा प्रवाह अजूनही प्रचंड असून, स्थानिक प्रशासनाने या मार्गाचा वापर टाळण्याचे आवाहन केले आहे.नागरिकांनी सुरक्षिततेच्या दृष्टिकोनातून पर्यायी मार्गांचा वापर करावा, असे प्रशासनाकडून सांगण्यात आले आहे.दरम्यान, हवामान विभागाने पुढील ४८ तासांत आणखी पावसाचा इशारा दिला आहे.