Raigad and Nashik Guardian Minister Dispute : रायगड आणि नाशिक येथील पालकमंत्रिपदाचा तिढा कधी सुटणार? याकडे राज्याचे लक्ष लागलेय. आज या वादावर तोडगा निघण्याची शक्यता आहे. आज मुख्यमंत्री देवेंद्र फडणवीस, उपमुख्यमंत्री अजित पवार आणि उपमुख्यमंत्री एकनाथ शिंदे यांची बैठक होणार आहे. या बैठकीमध्ये नाशिक आणि रायगडच्या पालकमंत्रिपदाचा तिढा सुटण्याची शक्यता आहे.

रायगडचे पालकमंत्रिपद आदिती तटकरे यांच्याकडे तर नाशिकचे पालकमंत्रिपद गिरिश महाजन यांच्याकडे सोपवण्यात आले होते. पण महायुतीमधून याला विरोध दर्शवण्यात आला. रायगडमध्ये आदिती तटकरे यांच्या पालकमंत्रिपदाला शिवसेनेच्या भरत गोगावले यांच्याकडून विरोध दर्शवण्यता आला होता. त्यानंतर रायगडमध्ये आंदोलनेही झाली होती. नाशिकमध्येही महाजन यांच्या पालकमंत्रिपदाला शिंदेंच्या शिवसेनेकडून विरोध दर्शवण्यात आला होता. आज यावर तोडगा निघण्याची शक्यता आहे.