विधानसभा निवडणूक झाल्यापासून लोकसभेचे विरोधी पक्षनेते राहुल गांधी आणि विरोधी पक्षाने विधानसभा 2024 निवडणुकीत मोठी गडबड झाल्याचा आरोप करत आहे. याआधी देखील सुप्रीम कोर्टात हा मुद्दा गेला होता. मात्र निवडणूक आयोगाने त्यांचे आरोप फेटाळले होते. तसेच विरोधी पक्षांनी कोणत्याही प्रकारची लिखित तक्रार नसल्याचे केंद्रीय निवडणूक आयोग सांगत होता. मात्र राहुल गांधीनी या संदर्भात पत्रकार परिषद घेत पीपीटी बॉम्बच टाकला.

राहुल गांधी म्हणाले, निवडणूक आयोगाने आम्हाला कधीच डिजिटल डेटा दिला नाही. एकाच व्यक्तीच कर्नाटक, उत्तरप्रदेश आणि महाराष्ट्रात मतदान केल्याचा गंभीर आरोप राहुल गांधीनी केला. त्यासाठी त्यांनी थेट पुरावाच दाखवला. आदित्य श्रीवास्तव नावाच्या व्यक्तीचा दाखला देत त्यांनी निवडणूक आयोगाला कचाट्यात उभे केले.