आरएसएस संघटनेनं दाखल केलेल्या मानहानी याचिकेवर आज भिवंडी कोर्टात सुनावणी झाली. त्यासाठी राहुल गांधी स्वत: उपस्थित होते.आधीच्या जामीनदारांचं निधन झाल्यामुळे नवीन जामीनदार सादर करण्यासाठी त्यांना कोर्टात बोलावलं होतं. त्यानुसार उपस्थित राहत त्यांनी नवीन जामीनदार सादर केला.आता महाराष्ट्र प्रदेश काँग्रेस काँग्रेस कमिटीचे अध्यक्ष हर्षवर्धन सपकाळ यांच्या जामिनाचे पेपर भिवंडी न्यायालयासमोर सादर केले आहेत. हर्षवर्धन सपकाळ आता राहुल गांधींचे नवे जामीनदार आहेत.

काय आहे प्रकरण?

राहुल गांधींनी २०१४ च्या लोकसभा निवडणुकीच्या प्रचारादरम्यान भिवंडीतील एका सभेत वादग्रस्त वक्तव्य केलं होतं.आरएसएसच्या लोकांना महात्मा गांधीची हत्या केली, असं ते वक्तव्य होतं.यानंतर संघाच्या राजेश कुटेंकडून राहुल गांधीविरुद्ध मानहानीचा खटला दाखल केला आहे. याच प्रकरणाच्या सुनावणीसाठी राहुल गांधी भिवंडीत आले होते.