लोकसभा निवडणुकीपासून महायुतीत काही आलबेल नाही असे सांगितले जाते. आता महायुतीत निधीवाटपावरून वाद झाला आहे. अर्थमंत्री अजित पवार आणि ग्रामविकास गिरीश महाजन यांच्यात खडाजंगी झाल्याची प्राथमिक माहिती आहे. गिरीश महाजन यांनी ग्रामविकास खात्याला निधी द्या अशी मागणी केली. तेव्हा आता जमिनी विकायच्या का असा सवाल अजित पवारांनी विचारला. या वृत्ताला अजित पवार गटाचे आमदार माणिकराव कोकाटे यांनी दुजोरा दिला आहे. मंत्र्यांमध्येच निधीवरून स्पर्धा असेल तर आमदारांचं काय असा प्रश्न कोकाटे यांनी विचारला आहे.