पुण्यातील वारेज पुलाखाली आज सकाळपासून मोठी वाहतूक कोंडी निर्माण झाली आहे. सकाळच्या गर्दीच्या वेळी अचानक वाढलेल्या वाहनांच्या संख्येमुळे संपूर्ण परिसरात गाड्यांच्या लांबलचक रांगा लागल्या आहेत. त्यामुळे ऑफिसला जाणारे कर्मचारी, विद्यार्थी तेसेच वाहनचालक आणि नागरिकांना मोठ्या अडचणींचा सामना करावा लागत आहे. वाहतूक ठप्प झाल्याने नागरिक हैराण झाले असून वेळेवर गंतव्यस्थानी पोहचण्यात विलंब होत आहे. परिस्थिती हाताळण्यासाठी पोलिसांनी घटनास्थळी धाव घेतली असून मार्ग मोकळा करण्यासाठी प्रयत्न सुरू केले आहेत. तरीदेखील वाहतूक कोंडीमुळे पुणेकरांचे हाल सुरूच आहेत. वारजे परिसरातील वाहतुकीची समस्या पुन्हा एकदा ठळकपणे समोर आली आहे.