पुणे शिक्षक मतदारसंघाच्या निवडणुकीच्या पार्श्वभूमीवर पैशांच्या कथित वापरावरून राजकीय वर्तुळात आरोप-प्रत्यारोपांना सुरुवात झाली आहे. रासपचे उमेदवार दत्तात्रय सावंत यांनी मतांसाठी पैसे वाट्ल्याचा आरोप केला आहे. या प्रकरणामुळे निवडणुकीतील राजकीय वातावरण अधिकच तापले आहे. प्रत्येक उमेदवाराला १०००० रुपये दिल्याचा दावा करण्यात आला आहे. सावंत म्हणाले, गेल्या दोन दिवसांत जिल्ह्यामध्ये पैशांचा धुडगूस घातला गेला आहे. परवाच्या दिवशी एक उमेदवार प्रति शिक्षकाला १०००० रुपये देत होता. हे सगळं निषेधार्य आहे. इतकेच नाही तर काल दुपारपासून प्रत्येक शिक्षकाला ११,००० रुपये देण्यात आल्याचा आरोप सावंतांनी केला. दरम्यान, या आरोपांमुळे राजकीय पक्षांमध्ये वाद निर्माण होण्याची शक्यता आहे.