पुण्यातील स्वारगेट एसटी बस डेपोमध्ये २६ वर्षीय तरूणीवर बलात्कार प्रकरणी दत्ता गाडेच्या अडचणीत आणखी वाढ होण्याची शक्यता आहे. दत्ता गाडेला जन्मठेपेची शिक्षा होणार असल्याची शक्यता वर्तवली जात आहे. १२ मार्चला पुणे गुन्हे शाखेनं दत्ता गाडेवर आणखी ३ कलमांची वाढ केली होती. 'पीडित महिलेचा रस्ता अडवणे, मारहाण करणे आणि जबरदस्तीनं २ वेळा शारीरिक संबंध ठेवणे', अशा गंभीर स्वरूपाच्या कलमांची वाढ झाली आहे. यामुळे त्याच्या अडचणीत आणखी वाढ होण्याची शक्यता आहे.

पोलिसांनी गाडेवर भारतीय न्याय संहितेच्या कलम ६४(२)(M), ११५(२) आणि १२७(२) या ३ कलमांची वाढ केली आहे. यातील ६४(२)(M) हा कलम जर सिद्ध झाला तर दत्ता गाडेला एकाच महिलेवर वारंवार बलात्कार या गुन्ह्याच्या अंतर्गत जन्मठेपेची शिक्षा होऊ शकते.