पुणेकरांसाठी महत्वाची बातमी आहे. पुण्यामध्ये झालेल्या मुसळधार पाऊस आणि पूरानंतर आता पावसाळी आजारांनी डोकं वर काढले आहे. पुण्यामध्ये वेगवेगळ्या आजारांनी विळखा घातला आहे. राज्यात सर्वाधिक झिका रुग्ण पुण्यामध्ये आढळले आहेत. पुणे शहरामध्ये झिका रुग्णांची संख्या ६६ वर पोहचली आहे. तर पुणे ग्रामिण भागामध्ये झिका रुग्णांची संख्या ५ आहे. तर ६ जणांचा मृत्यू झाला आहे. पुण्यामध्ये झिकासोबत चिकनगुनिया, कोरोना रुग्णांची देखील संख्येत वाढ होत आहे. त्याचसोबत हिवताप, डेंग्यूचे देखील रुग्ण आढळत आहेत. त्यामुळे पुणेकरांनी काळजी घ्यावी आणि वेळीच उपचार घ्यावे असे आवाहन प्रशासनाकडून केला जात आहे.